ചാലക്കുടി റെയിൽവേ സ്റ്റേഷൻ തൃശ്ശൂർ ജില്ലയിലെ ഷൊറണൂർ-കൊച്ചിൻ ഹാർബർ സെക്ഷനിൽ ഇരിങ്ങാലക്കുട റയിൽവേ സ്റ്റേഷനും ഡിവൈൻ നഗർ റെയിൽവേ സ്റ്റേഷനും ഇടയിലാണ്. ഇന്ത്യൻ റെയിൽവേയുടെ ചെന്നൈ ആസ്ഥാനമായ ദക്ഷിണറെയിൽവേയാണ് ചാലക്കുടി റെയിൽവേ സ്റ്റേഷൻ പ്രവർത്തിക്കുന്നത്. എല്ലാ പാസഞ്ചർ ട്രെയിനുകളും ചില എക്സ്പ്രസ്, സൂപ്പർ എക്സ്പ്രസ് ട്രെയിനുകളും ഇവിടെ നിർത്തുന്നു. തൃശ്ശൂർ റെയിൽവേ സ്റ്റേഷൻ കഴിഞ്ഞ് തൃശ്ശൂർ ജില്ലയിലെ രണ്ടാമത്തെ ഏറ്റവും വലിയ സ്റ്റേഷൻ ആണ് ഇത്.